ده سؤال بيتردد كتير، وغالباً بيتقال بنبرة مظلومية
والإجابة الصادمة اللي الـ HR بيخاف يقولها في وشك: "لأنك قضيت الـ ٥ سنين دول بتكرر سنة واحدة ٥ مرات"
يا أهل الخير، الـ Seniority مش "برنامج ولاء" (Loyalty Program) بناخد عليه نقط كل ما نعدي سنة... الـ Seniority مش "شعر أبيض" ولا "رقم في البطاقة"
الـ Seniority هي "Level of Autonomy" (مستوى استقلاليتك)
عشان تعرف أنت Senior بجد ولا "Senior باللقب"، اسأل نفسك الأسئلة دي، وخليك صريح:
1- مين بيجري ورا مين؟
لو مديرك لسه محتاج يبعتلك يسألك "خلصت التاسك دي ولا لسه؟".. يبقى أنت مش Senior... الـ Senior هو اللي بيسبق بخطوة، هو اللي بيدي Update قبل ما يتطلب منه... القاعدة الذهبية: "لو محتاج حد يطاردك علشان تشتغل… انت مش Senior"
2- بتدخل المكتب بمشكلة ولا بحل؟
الـ Junior بيدخل لمديره يقوله: "يا ريس عندنا مصيبة، العميل زعلان أعمل إيه؟"(هنا المدير هو اللي شال الهم)... الـ Senior بيدخل يقول: "يا ريس العميل زعلان، وأنا جهزت ٣ حلول للمشكلة دي، وشايف إن الحل التاني هو الأنسب، محتاج موافقتك بس" (هنا المدير ارتاح وتفرغ لشيء أكبر من المشكلة دي قد تكون محاولة تحسين بيئة العمل، أو تحسين وضعك المادي، أو شيء آخر بيصب في مصلحتك بشكل أو بآخر)
3- بتتشال ولا بتشيل؟
الـ Senior هو "عمود خيمة"... لما الدنيا تقع، هو اللي بيسند الفريق.... مش هو اللي بيتوتر ويحتاج حد يطبطب عليه
💡 الخلاصة: الشركة لما بتعين Senior بمرتب كبير، هي مش بتدفعلك تمن "وقتك"... قد ما هي بتحاول تدفع تمن "راحة البال" (Peace of Mind).... بتدفع عشان تشتري "عقلية بتشتغل بسيستم DSPy مترمج التشغيل الذاتي" (Self-Managed)
فلو أنت شاطر تكنيكال، بس لسه محتاج "Micro-management" وتوجيه في كل صغيرة وكبيرة... فأنت لسه في مرحلة النضوج، مهما كان بقالك سنين في السوق
الـ Senior لقب "بتنتزعه" بأفعالك ومسؤوليتك.... مش "بتستناه" يجيلك بالدور
إيه أكتر تصرف بيخليك تحس إن الشخص اللي قدامك Senior بجد حتى لو سنه صغير؟ 👇
#حكايات_مش_بتتقال_في_الميتنجات
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
