أنا ماليش في السياسة ولا بحب أكون ضمن شلة، أنا بشتغل وبس".. أشهر جملة قالها موظف قبل ما (يتركن) على الرف!
.
.
.
.
في عالم البيزنس، كلمة "سياسة" (Politics) واخدة سمعة سيئة... أول ما بنسمعها بيجي في بالنا: نفاق، وتطبيل، وضرب من تحت الحزام
عشان كده، الموظف الشاطر "المثالي" بيقرر يعتزل السياسة، ويركز في شاشته، ويتخيل إن "جودة شغله" كافية إنها تحميه وتكبره
للأسف يا صديقي.. ده تفكير "رومانسي يوتوبي" ملوش علاقة بأرض الواقع... الإدارة مش بس "أرقام".. الإدارة "بشر"... والبشر بتحركهم "العلاقات" و "المصالح" و "النفوذ"
لما بتقول "أنا ماليش في السياسة"، أنت بتقول عملياً: "أنا هسيب مصيري، وترقيتي، وسمعتي، في إيد ناس تانية يقرروا فيها نيابة عني"
🛑 يعني إيه سياسة "نظيفة" (Ethical Politics)؟ السياسة مش إنك تأذي حد... السياسة هي "ذكاء التعامل مع القوة"
1- خريطة النفوذ (Power Mapping): مين في الشركة صوته مسموع؟ مين بياخد القرارات الحقيقية (مش اللي على الورق)؟ مين علاقتك بيه هتسهلك شغلك؟ إنك تعرف دول مش "خبث"، ده "وعي"
2- إدارة السمعة (Visibility): لو بتعمل شغل عظيم ومحدش يعرف إنك أنت اللي عملته، يبقي أنت بتعمل "عمل خيري" مش "بيزنس"... السياسة إنك تعرف تسوق مجهودك بذكاء من غير ما تبان "Showy"
3- التحالفات (Alliances): محدش بينجح لوحده... السياسة إنك تبني شبكة علاقات قوية، تخدمهم ويخدموك، ولما تحصل أزمة تلاقي حد "في ضهرك"
💡 الخلاصة: لعبة الشغل ليها قانونين:
1- قانون الكفاءة (عشان تدخل الملعب)
2- قانون السياسة (عشان تفضل في الملعب وتجيب جوان)
لو لعبت بواحد بس، هتخسر... ما تبقاش "ثعلب" وتأذي الناس.. بس أرجوك ما تبقاش "أرنب" وتتكل على طيبتك... خليك "أسد".... قوي، وشاطر، وفاهم الغابة بتمشي إزاي
السياسة "شر لابد منه"؟.. لأ، هي "مهارة لابد منها"
#حكايات_مش_بتتقال_في_الميتنجات
قولي بقا إيه الموقف اللي حصل معاك وخلاك تقتنع إن (الشغل لوحده مش كفاية) وإن العلاقات بتفرق في الترقية؟
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
