الـ 40% من وقتك اللي بتضيعه في أول أسبوعين مع كل عميل جديد
دي مشكلة كل فريلانسر وإيجنسي ومحدش بيتكلم عنها
كل ما تجيب عميل جديد بتفرح
طبيعي
بس فيه حاجة بتحصل في أول أسبوعين محدش بيتكلم عنها
بتقضي 40% من وقتك في حاجات مالهاش علاقة بالشغل الفعلي
بتشرحله ازاي بتشتغل
بتجمع منه الـ Brand Guidelines والـ Assets والـ Access
بتعمل Meetings تفهم البيزنس
بتعمل Revisions على أول Deliverable عشان لسه مش فاهم الـ Tone
بتتناقش على الـ Process
كل ده وقت ومجهود مش بتتحاسب عليه
وكل ما تجيب عميل جديد بتدفع الـ Tax ده تاني من الأول دا اسمه " The Client Onboarding Tax"
خليني أحسبها معاك
لو عندك 5 عملاء وكل واحد بياخد 40% من أول أسبوعين
يعني 5 عملاء في أسبوعين في 40% = 4 أسابيع كاملة في السنة ضايعة على الـ Onboarding بس
شهر كامل
من غير ما تنتج أي شغل حقيقي
طيب الحل؟
الحل: الـ Client Onboarding System
بدل ما تبدأ من الصفر مع كل عميل
تبني System يشتغل لوحده
العنصر الأول: الـ Welcome Kit
ملف واحد بتبعته لكل عميل جديد فيه:
إيه الـ Process بتاعك خطوة بخطوة
إيه المطلوب من العميل (Assets, Access, Guidelines)
إيه الـ Timeline المتوقع
إيه الـ Communication Protocol (هنتكلم فين وإزاي وكام مرة)
إيه الـ Revision Policy
الملف ده بتعمله مرة واحدة وبتبعته لكل عميل
بدل ما تقعد تشرح نفس الكلام كل مرة
العنصر التاني: الـ Intake Form
مثلاً Google Form أو Typeform بسيط فيه كل الأسئلة اللي محتاج تسألها
بدل Meeting ساعة تسأل فيه أسئلة كان ممكن يجاوب عليها في 15 دقيقة لوحده
الـ Form بيجمعلك كل حاجة في مكان واحد ومنظمة
العنصر التالت: الـ First Deliverable Template
أول Deliverable دايما بياخد وقت أكتر عشان لسه بتفهم الـ Voice والـ Style
الحل: بتعمل Template لأول Deliverable
بتسأل العميل: ابعتلي 3 أمثلة من محتوى بتحبه و 3 أمثلة مش بتحبه
بدل ما تخمن الـ Tone وتعمل 5 Revisions
بتبدأ صح من أول مرة
العنصر الرابع: الـ 14-Day Checkpoint
بعد أسبوعين من بداية الشغل بتعمل مكالمة قصيرة 15 دقيقة
بتسأل: إيه اللي شغال كويس وإيه اللي محتاج يتعدل
المكالمة دي بتمنع المشاكل الكبيرة قبل ما تحصل
وبتطمن العميل إنك متابع
الـ System ده بيوفرلك:
60% من وقت الـ Onboarding
بيقلل الـ Revisions في أول شهر بنسبة 50%
بيخلي العميل يحس إنك محترف من أول يوم
وبيخليك تركز على الشغل الحقيقي بدل الـ Admin
الفريلانسر اللي عنده System بيكسب أكتر من اللي مش عنده
مش عشان بيشتغل أكتر
عشان بيضيع أقل
دي حتة كدا شرحناها بالتفصيل ووفرنا معاها أمثلة و Templates جاهزة في How To Strategy Playbook بتاعنا (عشان نسهل عليك الشغل ونخليك تركز في الـ Thinking)
الرابط في أول كومنت
قولي: كام ساعة بتقضيها في الأسبوعين الأولى مع كل عميل جديد على حاجات مش شغل فعلي؟
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
