متفرحش أوي بالـ 1000 لايك على البوست
واحد صاحبي شغال Co-founder في SaaS Product، كلمني من كام شهر وقالي حاجة فضلت في دماغي
قالي: احنا بننزل محتوى كتير، الـ Engagement حلو، بس الـ Signups مش بتتحرك
فتحت الـ Accounts بتاعتهم وقعدت أبص
محتوى نضيف فعلا، Design كويس، Tips مفيدة، Carousels مرتبة
كل حاجة شكلها صح
بس لما بصيت بعين تانية، لقيت إن كل اللي بينزل بيعمل حاجة واحدة بس: بيعلّم
مفيش حاجة بتوضح المشكلة اللي المنتج بيحلها
مفيش حاجة بتحرك حد من مرحلة لمرحلة
مفيش حاجة بتقول للـ User اللي لسه مش فاهم: انت عندك مشكلة وانت مش واخد بالك
كل البوستات كانت بتفترض إن اللي بيقرأ عارف هو محتاج ايه وبيدور على ايه
والحقيقة إن نص الناس اللي المفروض يشتروا المنتج ده، مش واصلين أصلا لمرحلة إنهم يعرفوا إن عندهم مشكلة تتحل بـ Software
وهنا الغلطة اللي بتتكرر في SaaS كتير
الناس بتتعامل مع الـ Organic Content وكأنه قناة واحدة ليها وظيفة واحدة: نجيب Reach ونجيب Engagement ونفضل ننزل Tips
بس الـ SaaS مش بيزنس بتبيع فيه منتج واضح زي تيشيرت أو أكل
انت بتبيع حاجة الناس في أغلب الأحيان مش فاهمين هم محتاجينها ولا لا
الراجل اللي بيدير Inventory بتاعه على Excel ومبسوط، مش هيشتري منك Inventory Management Tool عشان شاف Carousel حلو
لازم الأول يحس إن الـ Excel بيكلفه وقت
بعدين يدرك إن فيه طريقة تانية
بعدين يفهم الفرق
بعدين يثق فيك
بعدين يجرب
رحلة كاملة، مش بوست واحد
ولو المحتوى بتاعك مش مصمم يخدم كل مرحلة من الرحلة دي، انت بتعمل Publishing مش Growth
خلي بالك، أنا مش بقول إن الـ Tips غلط
بقول إن الـ Tips لوحدها مش كفاية
فيه محتوى وظيفته يخلي حد يحس بالمشكلة لأول مرة
وفيه محتوى وظيفته يشرح إن فيه Category كاملة من الحلول موجودة
وفيه محتوى وظيفته يوضح ليه المنتج بتاعك مختلف عن البدائل
وفيه محتوى وظيفته يفكك اعتراض معين في دماغ الـ User زي: طب لو غالي أو صعب أو الـ Integration مش هنعرف نعمله أو مش هيعرف الفريق يستخدمه
وفيه محتوى وظيفته يثبت المصداقية من غير ما يقول أنا شاطر
وفيه محتوى وظيفته يسهّل الخطوة الأولى ويقلل الاحتكاك
كل نوع من دول ليه لغة مختلفة وزاوية مختلفة وشكل مختلف
أحيانا الـ Founder لما يحكي قصة قرار اتخذه في بناء المنتج، بيعمل Trust أقوى من 20 Testimonial
أحيانا Case Study واحدة بتحرك Pipeline أكتر من شهر كامل من الـ Educational Content
أحيانا بوست بيشرح Use Case واحد بشكل عملي، بيخلي شخص كان بيقارن بينك وبين Competitor يقفل عندك من غير Demo
الموضوع مش عشوائي بس
لما بتفهم إن كل قطعة محتوى ليها وظيفة محددة في رحلة الـ User، شكل الشغل كله بيتغير
بتبطل تسأل: ننزل ايه الأسبوع ده
وبتبدأ تسأل: ايه المرحلة اللي الناس واقفة فيها ومش بتتحرك، وايه المحتوى اللي ممكن يساعدهم يعدوها
سؤال مختلف تماما، وبيطلع منه محتوى مختلف تماما
وفيه حاجة تانية مهمة: الـ Organic في SaaS مش بيشتغل لوحده
المحتوى لازم يمشي مع الـ Positioning بتاعك
لازم يتكلم نفس لغة الـ Messaging
لازم يكون عارف المنتج كويس ويفهم الـ User كويس
يعني لو الـ Positioning بتاعك بيقول إن المنتج بسيط وسهل، والمحتوى بيتكلم بلغة تقنية معقدة، فيه Disconnect حصل هنا يا معلم
ولو الـ Messaging بيركز على السرعة، والمحتوى بيحكي عن Features تانية خالص، فيه Disconnect كمان
المحتوى مش حاجة منفصلة عن المنتج
المحتوى امتداد ليه
كل بوست هو قطعة من الصورة اللي الـ User بيكونها في دماغه عنك قبل ما يدوس Sign Up
ولو الصورة مشوشة أو مش مكتملة، الدوسة الشقية دي مش هتيجي 😂
الـ Vanity Metrics بتضحك عليك هنا بالذات
ممكن يكون عندك بوست عامل 500 Like و80 Comment وتحس إن الدنيا ماشية
بس لما تبص على الـ Pipeline تلاقيه فاضي
عشان الناس اللي بتتفاعل مع الـ Tips مش بالضرورة هم الناس اللي عندهم المشكلة اللي انت بتحلها
الـ Reach لوحده مش Growth
والـ Engagement لوحده مش Demand
نشر محتوى لوحده مش Marketing
الـ Organic Growth Marketing الحقيقي في الـ SaaS هو لما كل قطعة محتوى بتكون عارفة هي رايحة فين وبتخدم ايه وبتحرك مين من فين لفين
منظومة، مش عشوائية
والحقيقة إن اللي بقوله هنا مجرد الطبقة الأولى
تحت كل نقطة من دول فيه تفاصيل كتير عن الـ Intent وعن الـ Touchpoints وعن ازاي الرسالة تتبني وازاي تتقاس وازاي تتطور
بس لو حد فهم المبدأ الأساسي صح وبدأ يطبقه، الفرق هيبان في أول 90 يوم
المحتوى اللي بيحرك الـ User أهم بكتير من المحتوى اللي بيحرك الـ Likes
وفيه مسافة كبيرة جدا بين الاتنين، عشان كدا قولتلك متفرحش أوي بالـ 1000 لايك على البوست
ممدوح أبو عمار
مستشار استراتيجية محتوى وتسويق. يعمل على مساعدة الشركات في بناء أصول رقمية تخلق تأثيراً مباشراً وتزيد من معدلات التحويل.