قواعد الـ Copywriting اللي اتعلمتها في الكورسات... أغلبها مات
واللي لسه عايش منها، بيطلع في الروح
أنا عارف إن الجملة دي ممكن تضايقك، خصوصًا لو لسه دافع دم قلبك في كورس من بتوع "أسرار الكوبي رايتنج"
بس دي الحقيقة اللي لازم كلنا نصطدم بيها في 2025
السوق اتغير، الجمهور بقى أذكى وأصعب، والـ AI دخل غيّر شكل اللعبة تمامًا
الكتابة اللي كانت بتجيب results من سنتين، النهاردة بقت عاملة زي اللي بيحاول يشغل بي ايماية موديل 2025 بمفتاح عربية 128 مش هتدور معاك
بالصدفة وقع في إيدي كتاب Mary Nyokabi الجديد "Copy That!"، وقتها حسيت كأن حد بيلخص كل الأفكار اللي بتدور في دماغي
ودي الزتونة اللي طلعت بيها منه، بس فكّر فيها كويس:
الـ 🫒 في 4 نقط (قواعد اللعبة الجديدة):
1️⃣ الـ AI مساعد شاطر، بس مش Copywriter
دي أهم نقطة الـ AI يقدر يـ generate لك ألف بوست في دقيقة، بس ميعرفش يبني "علاقة" الكتاب بيركز على إن سلاحك السري الجديد هو الـ "Conversational Copywriting" الكتابة اللي تحسها حوار بينك وبين شخص واحد، فيها روح ونفس، فيها غلطات إملائية مقصودة أحيانًا... فيها "إنسانية" الـ AI عمره ما هيعرف يقلدها
التطبيق: قبل ما تكتب أي حاجة، تخيل إن الـ persona بتاعتك قاعدة قصادك على القهوة وهتحكيلها... واكتب اللي هتقوله بالظبط
2️⃣ حرك المشاعر، مش بس العقل (Emotional Triggers)
الناس بتشتري بمشاعرها، وبعدين تبرر قرار الشراء بعقلها.. الكلام ده قديم، بس الجديد اللي الكتاب بيقوله هو "إزاي" مش مجرد كلام عن الـ FOMO والـ Scarcity وخلاص.. الكتاب بيشرح الـ Psychology ورا قرارات الشراء، وإزاي تزرع "رغبة" حقيقية في قلب العميل، مش مجرد تقنعه بالمنطق
التطبيق: بدل ما تقول "منتجنا سريع"، احكي قصة عن كمية الوقت اللي العميل هيوفره عشان يقضيه مع عيلته اربط الـ feature بمكسب عاطفي
3️⃣ الـ Frameworks مجرد هيكل عظمي.. أنت اللي بتحط الروح (استغفر الله العظيم يعني مش قصدي ((حاجة كُفر)) بس هي بتقول كدة
المهم يعني كلنا حافظين AIDA و PAS... بس المشكلة إننا بنطبقهم زي الروبوتات لكن الحاجة ميري بتقول إن دي مجرد "خريطة" أو "هيكل عظمي" دورك كـ Copywriter شاطر إنك تملى الهيكل ده لحم ودم وروح من خلال فهمك العميق للعميل والـ Triggers اللي بتحركه، الـ AI ممكن يكتبلك بوست AIDA، بس هيطلع "مايع وملوش ماسكة"
التطبيق: استخدم الـ Framework كنقط بداية، لكن ركز 80% من مجهودك في فهم صوت العميل (Voice of Customer) واستخدم كلماته ومصطلحاته هو جوه الكوبي بتاعك
4️⃣ الـ SEO بيموت... والـ "Search Intent" هو الملك الجديد
الكتابة عشان تتصدر نتائج البحث مبقتش عن حشو الكلمات النفتاحية (Keywords) جوجل بقى أذكى من كده النهاردة الأهم هو إنك تجاوب على "نية البحث" (Search Intent) عند اليوزر هو بيدور على إيه بالظبط؟ عايز حل سريع؟ مقارنة؟ شرح عميق؟ لما بتجاوب على نيته، جوجل بيكافئك
التطبيق: قبل ما تكتب أي مقال أو Landing Page، اسأل نفسك: "اللي بيكتب الكلمة دي في جوجل، مستني يلاقي إيه بالظبط؟" واكتب المحتوى اللي يخدم النية دي، مش مجرد المحتوى اللي فيه الكلمة متكررة 10 مرات
من الآخر...
الكتاب ده بيقولك إن الـ Copywriter اللي هيعيش ويكمل في 2025 هو اللي هيبطل يفكر كـ "كاتب" ويبدأ يفكر كـ "خبير نفسي" و "بياع استراتيجي" و "صديق" للعميل
شغلانة "رص الكلام" والـ "كروتة والهرولة" خلاص، الـ AI بيعملها أحسن وأسرع
المستقبل في الحتة اللي الـ AI ميعرفش يوصلها: الإحساس الحقيقي والـ Strategy العميقة
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
