فيه نوع من الموظفين (والمديرين) أنا بسميهم "حراس المعبد"
.
.
.
الناس دي لما تقعد معاهم، نص كلامهم بيبدأ بـ: "أنا كنت ماسك كذا.." "أنا اللي أسست القسم ده.." "أنا بعمل الشغلانة دي من قبل ما التولز الجديدة دي تطلع.."
كلام عظيم، وعلى راسي من فوق.... بس خليني أقولك الحقيقة اللي بتزعل: "أمجاد الماضي.. لا تدفع إيجار الحاضر" Past glories don't pay today's rent
السوق اللي احنا فيه ده قاسي جداً، وما بيعترفش بالنوستالجيا... السوق بيسألك سؤال واحد بس كل يوم الصبح: "أنت هتقدم إيه النهاردة؟"
مشكلتك لو "ركنت" على تاريخك، إنك بتتحول تدريجياً لـ "Dinosaur" (ديناصور) كبير.. ضخم.. ليك هيبة.. بس "منقرض"
🛑 ليه الاعتماد على الماضي "فخ" قاتل؟
1- الأدوات بتتغير بسرعة مرعبة: شطارتك في التسويق سنة ٢٠١٥، لو مطورتش عليها AI و Automation، بقيت النهاردة "معلومات عامة" مش "ميزة تنافسية"
2- القواعد بتتشقلب: اللي كان بيجيب نتايج زمان، ممكن النهاردة يوقع الشركة في الحيط
3- الجيل الجديد "جائع": فيه شباب صغير طالع، معندوش "تاريخك"، بس عنده "سرعة" و"نهم" للتعلم هياكل بيهم السوق وانت لسه بتحكي عن إنجازاتك القديمة
💡 الروشتة عشان متلاقيش نفسك برا اللعبة: أرجوك.. انسى أنت "كنت" مين
وركز أنت "دلوقتي" مين... تعامل مع نفسك زي الـ Mobile App: لو مبقاش ليك Update كل فترة، المستخدم (الشركة/السوق) هيمسحك ويشوف غيرك، مهما كان كان بيحبك زمان
نصيحة من الآخر: التواضع مش بس أخلاق، التواضع "ذكاء مهني"... تواضع عشان تتعلم من اللي أصغر منك... تواضع عشان تعترف إن طريقتك القديمة مبقتش تنفع.... تواضع عشان تفضل "طالب علم" حتى لو بقالك ٢٠ سنة مدير
قيمتك الحقيقية هي في النسخة الحالية منك، مش في الأرشيف
إيه المهارة اللي كنت بتعتمد عليها زمان وشايف إنها النهاردة مبقاش ليها أي لزمة في سوق العمل؟ 👇
#حكايات_مش_بتتقال_في_الميتنجات
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
