إزاي تفرق بين العميل الحقيقي والعميل اللي هيضيع وقتك (الـ 7 Red Flags)
ودا درس في إدارة العملاء محدش بيعلمه للـ Content Creators
مش كل عميل يستاهل وقتك
ده درس أخدت 4 سنين عشان أتعلمه
والثمن كان غالي
شهور من الشغل على مشاريع ماتت
فلوس اتأخرت وفلوس ماجتش
علاقات مهنية اتدمرت
وأعصاب اتحرقت
كل ده عشان مكنتش بعرف أفرق بين العميل الحقيقي والجاد والعميل اللي هيضيع وقتي
النهاردة هقولك الـ 7 Red Flags اللي لو شفت واحدة منهم اجري بسرعة
مش عشان العميل وحش بالضرورة
عشان مش مناسب ليك في الوقت ده
وفرق كبير بين الاتنين
Red Flag 1: مش عارف إيه المشكلة بتاعته
لو العميل جالك وقالك: عايز Content بس مش عارف عايز إيه بالظبط
ده مش عميل جاهز يشتغل
ده عميل جاهز يستكشف
والاستكشاف ده هيكون على حسابك
لو حبيت تشتغل معاه حط الاستكشاف ده كـ Phase مدفوع لوحده
Red Flag 2: بيقارنك بأسعار مش منطقية
واحد على آب وورك بيعمل نفس الحاجة بـ 200 جنيه
لو العميل بيقارنك بالأرخص يبقى مش فاهم القيمة
ومهما شرحتله مش هيفهم
عشان مش مشكلة فهم - دي مشكلة Mindset
Red Flag 3: عايز يشوف شغل قبل ما يدفع
جرب لي بوست واحد ولو عجبني نكمل
ده زي واحد بيقولك اطبخلي وجبة ولو عجبتني هدفعلك
الـ Spec Work بيقلل من قيمتك وبيبعت رسالة غلط
لو عايز يشوف مستواك عنده الـ Portfolio والـ Case Studies
Red Flag 4: بيتأخر في كل حاجة
بيتأخر يرد على الرسائل
بيتأخر يبعت الـ Assets
بيتأخر يوافق على الـ Deliverables
التأخير ده مش هيتحسن مع الوقت
هيبقى أسوأ
Red Flag 5: فريقه مش متفق
المدير عايز حاجة والمسؤول عن السوشيال عايز حاجة تانية وصاحب الشركة عايز حاجة تالتة
وأنت قاعد في النص
لو الفريق مش متفق على الـ Direction قبل ما تبدأ
أنت اللي هتدفع الثمن
Red Flag 6: بيغير رأيه كل أسبوع
أسبوع عايز Reels والأسبوع اللي بعده عايز LinkedIn والأسبوع اللي بعده عايز يقفل كل حاجة ويعمل Podcast
ده عميل مش عارف هو عايز إيه
وهتفضل تجري وراه وتعمل Revisions لا نهائية
Red Flag 7: مش بيحترم وقتك
بيكلمك 11 بالليل
بيطلب Deliverables في نفس اليوم
بيلغي Meetings في آخر لحظة
الاحترام من البداية مش بيتحسن مع الوقت
بيتدهور
طيب إيه البديل لكل العك دا؟
الـ Qualification Call
قبل ما تبدأ مع أي عميل اعمل مكالمة 15 دقيقة
فيها 5 أسئلة:
إيه الهدف من الشغل ده؟
إيه الـ Budget المتاح؟
مين اللي بياخد القرار؟
إيه الـ Timeline؟
هل اشتغلتم مع حد قبل كده في نفس المجال؟
الأسئلة دي هتوضحلك في 15 دقيقة لو ده عميل يستاهل 3 شهور من وقتك ولا لا
والأهم: قول لا
قول لا بأدب
قول لا باحترام
بس قول لا
عشان كل عميل غلط بتاخده بيكلفك عميل صح كان ممكن يجيلك
وقتك أغلى مما تتخيل
بالمناسبة الدروس دي وغيرها كتتتيييييير اوووي موجودة في الـ Playbook بتاعنا اللي بفضل الله حصل عليه أكتر من 760 شخص لغاية دلوقتي من وقت ما نزلناه
الرابط في أول كومنت
قولي: إيه أسوأ Red Flag شفتها مع عميل وياريتك عرفتها من البداية؟
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
