ليه ناس كتير بتفتكر إنها بتعمل Marketing وهي لا؟
قاعد مع Client من كام أسبوع (قبل رمضان) وقالي جملة خلتني أسكت ثانيتين
قالي: احنا محتاجين نعمل Marketing
قولتله تمام، ايه الهدف
قالي: عايزين ننزل 12 بوست في الشهر
سكت شوية وبعدين سألته
طب الـ 12 بوست دول بيكلموا مين بالظبط
قالي: الناس
قولتله أي ناس
قال: الـ Target Audience بتاعنا
قولتله مين هم
سكت
مش عشان مش فاهم البيزنس بتاعه
لا هو فاهمه كويس
بس عشان السؤال ده محدش سأله لنفسه قبل كده
كل اللي كان بيحصل إن أول الشهر حد بيفتح الـ Canva وبيملا Template وبينزل
وده بيحصل في شركات كتير مش بس الـ Startups
حتى Teams كاملة بتشتغل بالمنطق ده
فيه Calendar مليان، فيه ناس بتشتغل، فيه بوستات بتنزل، فيه Engagement
بس لما تسأل: الشغل ده عمل ايه بالظبط في البيزنس
الإجابة بتكون غامضة
وهنا المشكلة الحقيقية
في ناس كتير بتفتكر إنها بتعمل Marketing
بس في الحقيقة هي بتعمل Publishing
بتنشر
بتملا الـ Feed
بتنزل Reels وCarousels وStories
بس مفيش حد واقف ورا الشغل ده وسائل نفسه: ليه بنعمل ده أصلا
سؤال ننزل ايه الأسبوع الجاي بييجي بدري أوي
قبل أسئلة أهم بكتير زي
احنا بنكلم مين
وهو في أنهي مرحلة
وايه المشكلة اللي في دماغه دلوقتي
وايه الخطوة اللي محتاج يعملها بعد ما يشوف الكلام ده
الـ Content Calendar بيجاوب على سؤالين بس: ايه وامتى
بس الـ Marketing الحقيقي لازم يجاوب على: ليه ولمين وعشان نوصل لايه
ودي فجوة كبيرة
تخيل معايا الموقف ده
شركة بتبيع Software للشركات الصغيرة
عندهم Calendar مظبوط، بينزلوا 3 بوستات في الأسبوع
فيها Tips وInfographics وQuotes
الـ Engagement مقبول
بس الـ Leads صفر
ليه
عشان المحتوى بيتكلم مع ناس بتحب تتعلم
مش مع ناس عندها مشكلة حقيقية ومحتاجة حل دلوقتي
وفيه فرق كبير بين الاتنين
واحد بيعمل Save عشان يرجع يقرأ بعدين
وواحد تاني بيدور على حد يحل ليه المشكلة النهاردة
الأول بيعملك Vanity Results
التاني مستعد يدفع مقابل اللي بتقدمه
وانت لو مش فارق معاك الاتنين
هتفضل تنزل محتوى الناس بتسقفله وتتبسط بيه وتحبه بس محدش بيشتري بسببه
الزحمة على الـ Feed مش معناها تأثير في قرارات الناس بالضرورة
ممكن تكون أنشط Account في الـ Industry بتاعك
وفي نفس الوقت مفيش حاجة بتتحرك في الـ Funnel
عشان كثرة المحتوى حاجة، ونقل العميل من مرحلة لمرحلة حاجة تانية
وده بيوصلنا لنقطة مهمة عن الـ Content Calendar نفسه
الـ Calendar أحيانا بيديك إحساس زائف بالسيطرة
انت شايف الشهر مليان، شايف كل يوم عليه حاجة، حاسس إن الدنيا ماشية
بس لو وقفت وسألت نفسك: كل بوست من دول بيعمل ايه بالظبط في رحلة العميل
الإجابة في أغلب الأحيان: مش عارف
مش عشان انت مقصر
عشان محدش علمنا نفكر كده من الأول
علمونا نفكر في المحتوى كـ Output
مش كـ Outcome
علمونا نسأل: نكتب ايه
قبل ما نسأل: ليه نكتب أصلا
أنا شفت ناس بتقضي 3 ساعات تختار الألوان والفونت لـ Carousel
بس ماقضتش 10 دقايق تسأل نفسها: الشخص اللي هيشوف الـ Carousel ده، هو في أنهي Stage
لو هو Unaware يعني مش عارف إن عنده مشكلة أصلا
هتكلمه بلغة غير اللي بتكلم بيها واحد Product Aware وبيقارن بينك وبين المنافسين
ودي مش تفاصيل
دي الأساس يا ابن عمي
الفرق بين Content Strategy حقيقية وبين مجرد نشر محتوى
إنك في الأولى بتعرف مين قدامك وبتبني الرسالة على أساس ده
وفي التانية بتنزل حاجة وتدعي ربنا تشتغل
فيه جملة بقولها كتير
لو شيلت الـ Logo من على البوست ومعرفتش تفرق بينه وبين بوست أي حد تاني في نفس المجال
يبقى عندك مشكلة أكبر من الـ Calendar
عندك مشكلة Positioning
مشكلة رسالة
مشكلة إنك مش عارف انت مين في السوق ده ولا بتكلم مين ولا بتقوله ايه
والـ Calendar مش هيحل ده
الـ Calendar بيرتب الشغل
بس مش بيفكر بدالك
التفكير الصح لازم يسبق الـ Content Sheet
والتفكير الصح بيبدأ من:
فهم الناس مش فهم الـ Algorithm
فهم المشكلة مش فهم الـ Trend
فهم الرسالة مش فهم الـ Format
ولما تعمل ده صح، الـ Calendar بيبقى Tool جبارة
بس لما تبدأ بيه من غير ما تعمل اللي قبله
بيبقى مجرد جدول مواعيد لحاجات مالهاش هدف
خليني أسألك سؤال وانت بتقرأ
لو حد سألك دلوقتي: ايه الـ Core Message بتاعتك في 10 كلمات
هتعرف تقولها
لو الإجابة لا، يبقى مفيش Calendar في الدنيا هيعوض ده
اللي فهمته من سنين شغل في المجال ده إن الناس اللي بتعمل نتايج فعلا مش الناس اللي بتنزل أكتر
بالعكس الناس اللي فاهمة ليه بتنزل أصلا وعارفة كل حاجة بتنزلها بتخدم ايه بالظبط
وده مش كلام نظري
انما يا صديقي System كامل من التفكير
والحقيقة إن الكلام ده أعمق بكتير من بوست واحد
فيه layers كاملة محتاجة تتفكك عشان الصورة توضح
من الـ Intent لحد الـ Touchpoints لحد الـ Messaging لحد القياس
بس على الأقل دلوقتي لو خرجت من البوست ده بحاجة واحدة
خليها دي:
الـ Calendar مش Strategy
والنشر مش Marketing
وزحمة المحتوى من غير اتجاه واضح مجرد لف ودوران في نفس المكان
------
#بعد_الساعة_5 نحاول نتعلم حاجة جديدة
دي سلسلة بشارك فيها معاك أفكار بتيجي في بالي وأنا مروح البيت
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
