إزاي تحسب قيمة كل كلمة بتكتبها بالجنيه/ الريال؟
ده Framework تسعير جديد محدش علمهولك
سألت فريلانسر: بتاخد كام على البوست؟
قالي: 500 جنيه
سألته: ليه 500؟
سكت ثانيتين وقال: هو ده السعر في السوق
دي أكبر مشكلة في التسعير عند 90% من الفريلانسرز والإيجنسيز
بيسعروا بناء على السوق مش بناء على القيمة
خليني أوريك طريقة تانية
بدل ما تسعر بالبوست سعر بالـ Revenue Per Word
يعني كل كلمة بتكتبها بتجيب كام فلوس للعميل؟
خليني أحسبها معاك
عميل عنده E-commerce Store
الـ Average Order Value بتاعه 500 جنيه
كتبتله Landing Page من 800 كلمة
الـ Landing Page دي بتجيب 50 أوردر في الشهر
يعني بتجيب 25,000 جنيه Revenue في الشهر
25,000 على 800 كلمة = 31.25 جنيه لكل كلمة
يعني كل كلمة كتبتها بتجيب ليه 31 جنيه كل شهر
والـ Landing Page هتفضل شغالة 6 شهور على الأقل
يعني كل كلمة قيمتها 187 جنيه على مدار عمر الصفحة
800 كلمة في 187 جنيه = 150,000 جنيه Revenue إجمالي
وأنت أخدت كام عليها؟ 2,000 جنيه؟ 3,000؟
يعني العميل دفعلك 2% من القيمة اللي أنت حققتها ليه
والباقي كله ليه
طيب ده معناه إيه لتسعيرك؟
أولا: ابدأ تسأل عن الـ Business Impact
قبل ما تقول السعر اسأل العميل:
الصفحة دي أو المحتوى ده بيخدم إيه في البيزنس؟
كام واحد بيشوفها في الشهر؟
الـ Conversion Rate الحالي كام؟
الـ Average Order Value كام؟
بالأرقام دي تقدر تحسب القيمة الحقيقية لشغلك
ثانيا: سعّر كنسبة من القيمة مش كتكلفة وقت
لو شغلك قيمته 25,000 جنيه في الشهر
والعميل هيدفعلك 5,000
ده 20% من القيمة
وده عادل جدا
والعميل مش هيحس إنه غالي عشان بيقارنه بالـ Return مش بسعر السوق
ثالثا: وثّق القيمة في الـ Proposal
متقولش: هكتبلك Landing Page بـ 5,000 جنيه
قول: هكتبلك Landing Page الهدف منها تحويل الزوار لعملاء - بناء على حركة الموقع الحالية (10,000 زائر) ومتوسط الأوردر (500 جنيه) المتوقع إنها تولد 25,000 جنيه شهريا - الاستثمار المطلوب 5,000 جنيه
شفت الفرق؟
التاني مش بيبرر السعر
بيخلي السعر يبان رخيص
والأهم: بيغير طريقة تفكير العميل
بدل ما يفكر: هدفع كام على الكتابة
بيفكر: هستثمر كام عشان أكسب كام
وده بيشقلب الحوار كله بينكم
من مفاوضة على السعر لحساب ROI
الحاجة الأخيرة
الـ Revenue Per Word بيتحسن مع الوقت
كل ما خبرتك زادت كل ما الكلمات اللي بتكتبها بتجيب Revenue أكتر
عشان بتعرف تختار الكلمة الصح في المكان الصح
وده اللي بيبرر إنك ترفع أسعارك كل 6 شهور
مش عشان التضخم
عشان الـ Revenue Per Word بتاعك بيزيد
دي واحدة من الـ Hacks اللي بنشرحها في How to Strategy Playbook اللي جمعت ليك فيه خلاصة 7 سنين من الأخطاء قبل النجاحات عشان تتعلم منها ومتقعش فيها
الرابط في أول كومنت
قولي: حسبت الـ Revenue Per Word بتاعك طلع كام؟
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
