السر اللي خبوه عنك أشطر ناس بتكتب Company Profiles
كل ما حد يبعتلي Company Profile أراجعه، بفتحه وأنا عارف تقريبا ايه اللي جوه
أول صفحة: من نحن
تاني صفحة: رؤيتنا ورسالتنا
تالت صفحة: خدماتنا
رابع صفحة: عملاؤنا
خامس صفحة: تواصل معنا
وفي النص، كلام من نوع: نسعى لتقديم أفضل الحلول المتكاملة بأعلى معايير الجودة والاحترافية
بقرأه وبحس إني قريت نفس الملف خمسين مرة قبل كده، بس بألوان مختلفة
والمشكلة مش في الكلام نفسه
المشكلة إن محدش فكر قبل ما يكتب: الشخص اللي هيقرأ الملف ده، عايز يعرف ايه بالظبط
تعالى نعمل تجربة صغيرة
تخيل إنك Decision Maker في شركة، ووصلك ملفين من شركتين مختلفتين بيقدموا نفس الخدمة
الأول فتحته لقيت: نحن شركة رائدة في مجال كذا، تأسسنا في سنة كذا، نقدم حلولا متكاملة، فريقنا من أكفأ الكوادر
التاني فتحته لقيت: كل شهر بنساعد شركات زي شركتك توفر 40 ساعة عمل كانت بتضيع على عمليات يدوية، وبنعمل كده من خلال ثلاث خطوات واضحة
أنهي واحد حسيت إنه بيكلمك
أنهي واحد حسيت إنه بيكلم نفسه
الأول كاتب عن الشركة
التاني كاتب للشخص اللي هيقرأ
وهنا لب الحكاية
أغلب الناس لما بتكتب Company Profile بتفكر من جوه الشركة: ايه اللي عايزين نقوله عن نفسنا
بس السؤال الأهم اللي بيتنسي: ايه اللي الطرف التاني محتاج يفهمه عننا عشان ياخد قرار
لأن الـ Company Profile مش ملف تعريفي بالمعنى الحرفي
هو أداة إقناع هادئة - بتلعب في العقل اللاواعي بمنتهى الـ "الله، أخيراً حد حس أنا عايز إيه" عن طريق إنها
بتقول: احنا فاهمين المشكلة بتاعتك، وعندنا طريقة واضحة نحلها، وفيه ناس زيك اعتمدوا علينا
وعشان كده لما بتكتب من زاوية الاستعراض، الكلام بيطلع ميت حتى لو الـ Design رهيب
وعلى العكس، لما بتكتب من زاوية الفهم والوضوح، حتى ملف بسيط ممكن يسيب أثر
طب ايه اللي بيخلي الـ Company Profile يطلع ضعيف عادة
أول حاجة: مفيش Positioning واضح
الشركة نفسها مش متفقة جوا على: احنا مين في السوق، بنتميز في ايه فعلا، ومين الـ Ideal Client بتاعنا
فالمحتوى بيطلع عام لأن التفكير أصلا عام
تاني حاجة: اللغة مش مبنية على الوضوح
مبنية على إن الكلام يطلع شكله كبير
فتلاقي جمل طويلة مليانة صفات ومفيهاش معلومة واحدة جديدة
تالت حاجة: مفيش ترتيب منطقي للرسائل
يعني القارئ بيدخل الملف ومش عارف يلاقي الإجابة على أبسط سؤال: انتم بتعملوا ايه بالظبط ولمين
خلي بالك، القارئ اللي بيفتح Company Profile مش فاضي
عنده كذا ملف قدامه، بيقارن، وقته ضيق، ومعندوش صبر يدور على المعلومة وسط ثلاث صفحات كلام إنشائي
عشان كده ترتيب الأفكار أهم من جمال الأسلوب
ايه أول حاجة محتاج يعرفها
ايه تاني حاجة بتبني على الأولى
ايه اللي يخليه يحس إنك فاهم عالمه، مش بتعرض عضلاتك
لأن الـ Company Profile الناجح بيعمل أربع حاجات في دماغ اللي بيقرأه
بيجاوب على: انتم مين بالظبط، وبتعملوا ايه بشكل مفهوم
بيوضح: ليه انتم مختلفين، بطريقة ملموسة مش مجرد ادعاءات
بيبني ثقة: من خلال أمثلة وأرقام ونتايج، مش من خلال صفات فخمة
وبيسيب Impression واضح: القارئ يقفل الملف وعنده صورة محددة عنك، مش مجرد إحساس عام
ولو قفل الملف ومش قادر يوصف لزميله في جملتين: الشركة دي بتعمل ايه ومميزة في ايه، يبقى المحتوى مأدّاش وظيفته
خليني أديك مثال تاني
شركة بتقدم Cybersecurity Solutions لشركات SMEs
في الـ Profile كاتبين: نحن نقدم حلول أمن سيبراني شاملة تواكب أحدث التطورات العالمية
طب تخيل لو بدل كده كاتبين: 60% من الشركات المتوسطة اللي اتعرضت لاختراق في آخر سنتين ماكانش عندها خطة واضحة للحماية، احنا بنساعد الشركات من النوع ده تبني خطة في أسبوعين، مش في 6 شهور
الأول وصف نفسه
التاني وصف المشكلة وحط نفسه كإجابة
نفس الشركة، نفس الخدمة، بس الزاوية غيرت كل حاجة
وفيه حاجة بتغيب عن ناس كتير وهي إن محتوى الـ Company Profile مش منفصل عن بقية الـ Brand
اللغة اللي بتستخدمها في الـ Profile لازم تكون نفس اللغة اللي بتستخدمها في الـ Messaging بتاعك وفي الـ Website وفي الـ Sales Deck
لو القارئ لقي إن الـ Profile بيقول حاجة والـ Website بيقول حاجة تانية والـ Pitch بيحكي قصة ثالثة، الثقة بتتضرب
المحتوى الجيد للـ Company Profile مش بيتكتب في ساعة
بيتبني ....
بيتبنى على فهم واضح لمين القارئ، وايه القرار اللي بياخده، وايه اللي يخليه يحس إنك الخيار الأنسب، وايه الترتيب اللي يوصّل المعنى بأقل كلام وأوضح صورة
وطبعا في تفاصيل كتير تحت كل نقطة من دول، من ازاي تبني الـ Narrative لحد ازاي تكتب كل Section بطريقة تخدم هدف محدد مش مجرد تملا فراغ
بس لو فيه فكرة واحدة تطلع بيها من كل الكلام، خليها: الـ Company Profile مش ملف بيعرّف الناس بيك
هو فرصتك الأولى تخلي حد يقول: الناس دول فاهمين اللي بيعملوه
وبين الاتنين، بيزنس كامل ممكن تكسبه أو تخسره
عشان كده مهم تفهم السر اللي خبوه عنك أشطر ناس بتكتب Company Profiles
ممدوح أبو عمار
مستشار استراتيجية محتوى وتسويق. يعمل على مساعدة الشركات في بناء أصول رقمية تخلق تأثيراً مباشراً وتزيد من معدلات التحويل.