مستني أول Client عشان تبدأ تبني Personal Brand؟ طب ومين هيبعتلك الـ Client لو محدش يعرفك أصلا
فيه واحد أعرفه شاطر فعلا في الـ Content Strategy
يفهم الـ Positioning كويس ويعرف يفكك أي Brief ويطلع منه حاجة محترمة
بس لما تفتح أي Platform يخصه تلاقي صفحة فاضية أو آخر بوست من 8 شهور عن حاجة عامة مالهاش ملامح
سألته مرة: ليه مش بتنزل حاجة
قالي: لسه مجمعتش Case Studies كفاية، مش عارف أتكلم عن ايه
وجملة زي دي سمعتها بصيغ مختلفة من ناس كتير
لسه مبدأتش
لسه ماعنديش Portfolio يتقال عليه ويتعاد
لسه ماشتغلتش مع Brand كبير
لسه مااخدتش نتايج أقدر أعرضها
وكأن الظهور محتاج تصريح، والتصريح اسمه Case Study
بس تعالى نفكر فيها من الزاوية التانية
لو انت Decision Maker في شركة، وبتدور على حد يمسك لك الـ Content أو الـ Strategy
هتعمل ايه
غالبا هتسأل حد تعرفه، أو هتدور على LinkedIn، أو هتلاقي بوست حد كاتبه وقفك وحسيت إن الشخص دا شكله فاهم
تخيل لقيت اتنين
الأول: عنده Portfolio فيه 10 Logos لـ Clients اشتغل معاهم بس صفحته ساكتة ومفيش بوست واحد يقولك هو بيفكر ازاي
التاني: ما عندوش Client List طويلة بس كل أسبوع بينزل ملاحظة عن السوق أو تفكيك لمشكلة شايفها أو زاوية على موضوع الكل بيعدي عليه
مين فيهم هتحس إنك عارفه أكتر
مين فيهم هتطمن تتكلم معاه
في أغلب الأحيان، التاني
عشان الـ Client مش بيقرأ البوست بتاعك بعين زميلك في المجال
زميلك بيبص على المعلومة: هل صح ولا غلط، هل جديدة ولا معادة
الـ Client بيبص على حاجة تانية خالص: هل الشخص ده فاهم عالمي، هل بيفكر بطريقة مريحة، هل لو اشتغلت معاه هيفهمني بسرعة
طريقة تفكيرك هي أول Proof عندك
قبل الـ Case Study وقبل الـ Testimonial وقبل أي حاجة
بوست واحد بتفكك فيه مشكلة حقيقية في الـ Industry بتاعتك بوضوح وبساطة، ممكن يعمل لك Impression أقوى من Deck فيه 30 slide
مش عشان البوست بتاعك فلتة زمانه
عشان الشخص اللي بيقرأ بيقول لنفسه: واضح إن ده فاهم اللي بيتكلم فيه
وهنا لازم نفرق بين حاجتين
فيه ناس بتبني حضور قايم على الفهم: ملاحظات حقيقية، تفكيك مشاكل، زوايا مختلفة، وضوح في الشرح، consistency
وفيه ناس بتبني حضور قايم على الظهور بس: بوستات كتير، Engagement Hacks، Recycled Quotes، وصور بتقول أنا هنا من غير ما توضح ليه
الأول بيكبر ببطء بس بيكبر صح
التاني ممكن يجيب أرقام بس ماحدش بيثق فيه كفاية يديله شغل
ومش محتاج تكون مشهور عشان تبدأ
محتاج تكون واضح
الوضوح أقوى من الشهرة في الـ B2B تحديدا
لو حد قرأ لك 3 بوستات وفهم: انت بتفكر ازاي، بتشتغل على ايه، وفاهم أنهي نوع من المشاكل
خلاص كده انت في الـ Consideration Set بتاعه حتى لو عمره ما عمل معاك Like
طب السؤال: أكتب عن ايه لو مش عندي Case Studies أعرضها
أكتب عن اللي بتشوفه
ملاحظات عن السوق، أخطاء بتتكرر، Patterns بتلاحظها، أسئلة Clients بتتسأل كتير، حاجات الناس فاكراها بطريقة وانت شايفها بطريقة تانية
لو بتشتغل في الـ Content Strategy مثلا، ممكن تكتب عن غلطة بتشوفها في طريقة ناس كتير بتكتب Briefs
مش محتاج تقول مين الـ Client، محتاج تقول ايه الـ Pattern
ممكن تكتب ازاي بتقيّم محتوى معين من غير Bias
ممكن تكتب عن الفرق بين حاجتين السوق فاكرهم زي بعض وهم مختلفين
ممكن تحكي موقف حصل وايه اللي اتعلمته منه
كل واحدة من دول بتقول عنك حاجة من غير ما تقول: أنا شاطر
الكتابة نفسها بتبقى الدليل
لو شرحك واضح، يبقى تفكيرك واضح
لو ملاحظاتك دقيقة، يبقى عينك على السوق
لو بتعرف تبسّط حاجة معقدة، يبقى فاهمها فعلا
والعكس صحيح
لو كل اللي بتنزله كلام عام وحكم كبيرة ومفيش تحتها تفصيل، الانطباع هيكون: الشخص بيحاول يبان مش بيحاول يفيد
فيه حاجة بشوفها في الناس اللي بتنجح في بناء Personal Brand محترم من غير ما يكون عندها Client List ضخمة: بتكون صادقة في مرحلتها
مش بتدّعي خبرة 15 سنة وهي لسه في أول سنتين
بس كمان مش بتقلل من نفسها
بتقول: أنا بلاحظ كذا، بفكر في كذا، الحاجة دي شدت انتباهي، والزاوية دي محتاجة نقاش
صدق المرحلة بيخلق نوع من الـ Trust غريب
الناس بتحس إن الشخص حقيقي، فبتدي لكلامه وزن أكتر مما تتوقع
والـ Personal Branding لما يتعمل صح مش بيبقى Vanity Project
بيبقى Positioning Tool
بيجاوب على سؤال: انت مين في السوق، بتشتغل على ايه، وبتفكر ازاي
ولو الإجابة واضحة، الفرص بتلاقيك أسرع مما تتخيل
ولو الإجابة مش واضحة، مش مهم عدد البوستات ولا الـ Followers
طبعا الكلام فيه تفاصيل كتير تحت كل نقطة
من ازاي تبني الزاوية بتاعتك لحد ازاي الـ Messaging بتاعك يتظبط لحد ازاي تحول المحتوى لجزء من منظومة أكبر بتخدم الـ Positioning والـ Trust والـ Pipeline
بس أهم حاجة تطلع بيها من هنا
ماتستناش لما الصورة تكتمل عشان تبدأ تظهر للعالم
لأن أحيانا اللي بيكتمل الأول هو الانطباع
ولو الانطباع اتكوّن صح من البداية، كل حاجة بعد كده بتبقى أسهل
السوق مش بيكافئ الأشطر دايما
بيكافئ الأوضح
فــ ها؟ مستني أول Client عشان تبدأ تبني Personal Brand؟ طب ومين هيبعتلك الـ Client لو محدش يعرفك أصلا؟
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
