لو بتبيع لبن أو منظف أو ساندويتشات وفاكر إن مفيش Value تطلعها غير Caption لذيذة، يبقى انت لسه شايف البراند من جوه علبته مش من جوه دماغ الزبون
من فترة كنت بشتغل مع براند ألبان محلي، مش صغير بس مش من الأسماء اللي كل الناس تعرفها
أول Meeting سألت الفريق: بتنزلوا ايه على السوشيال
فتحولي الـ Page
صورة المنتج + جملة عن الطعم
صورة تانية + عرض رمضان
Quote عن الصحة
بوست عيد ميلاد الشركة
وCarousel فيه 3 منتجات جديدة بنفس الـ Template
كل حاجة نضيفة شكلا
بس لو شيلت اسم البراند من على البوستات، ماتعرفش تفرقها عن أي براند تاني في نفس الرف
سألتهم: الناس اللي بتشتري منكم، ايه أكتر سؤال بيسألوه أو حيرة بتقابلهم
قالولي: ناس كتير مش عارفة الفرق بين اللبن كامل الدسم ونص الدسم ومنزوع الدسم، ومش عارفة تختار لأولادها
قولتلهم: طب ده بوست
قالوا: ده مش محتوى إبداعي
قولتلهم: لا، ده بالظبط اللي المستهلك محتاجه
وهنا بيبان سوء الفهم الأساسي
ناس كتير شغالة في البراندات الاستهلاكية فاكرة إن المحتوى يا إعلان يا نكتة يا Caption لذيذة يا عرض
وكأن المنتج لأنه عادي ومتكرر يبقى مفيش حاجة تتقال عنه غير إنه لذيذ أو نضيف أو في عرض
بس تعالى نقلب الصورة
المستهلك اللي بيشتري منتج يومي مش بيشتريه في فراغ
بيشتريه وعنده أسئلة
وعنده عادات
وعنده حيرة
وعنده مقارنات
وعنده لحظات معينة بيستخدم فيها المنتج بطريقة معينة
ست بتروح السوبرماركت كل أسبوع وواقفة قدام 8 أنواع جبنة بيضا مش عارفة تفرق بينهم
راجل بيجيب منظف لأول مرة ومش متأكد الكمية الصح
بنت عايزة تعرف لو المنتج ده يتناسب مع سيستم DSPy مترمج أكل معين
واحد بيحاول يوفر ومش عارف أنهي حجم أوفر فعلا
كل واحد من دول عنده سؤال أو تردد أو عادة ممكن البراند يتكلم فيها ويفيده فيها من غير ما يقول: اشتري مني
خد مثال
براند زي أوكسي أو أريال
ممكن ينزل بوست بيقول: أقوى تنظيف
هيعمل Reach؟ ممكن
هيفرق عن المنافس؟ لا
بس تخيل لو نزل محتوى بيوضح: غسلة واحدة بالمية الباردة بتعمل نتيجة أحسن من غسلتين بالمية السخنة لو عملت كذا وكذا
أو بيحكي إن اللي بيحط المنظف بعد ما المية تملا الغسالة بيخسر نص تأثيره وأغلب الناس بتعمل كده
فجأة بقى المحتوى مفيد، عملي، وبيحل مشكلة حقيقية
مطعم في السيدة زينب أو وسط البلد
ممكن ينزل صور الأكل كل يوم
وممكن بدل كده يحكي إن الحاجة الفلانية بتتحضر بطريقة معينة من 30 سنة ومحدش غيّر الوصفة
أو يوضح ايه الفرق بين اللحمة اللي عنده واللحمة اللي في أي حتة تانية ومن فين بتيجي
أو يعمل بوست عن: أكتر طلب الناس بتندم إنها ماجربتوش وبيكتشفوه بالصدفة
فجأة المطعم بقى ليه صوت وشخصية ومحتوى الناس تحفظه وتبعته لصحابها
عيادة أسنان
ممكن تنزل كل يوم: أحدث الأجهزة وأفضل الخامات
بس الناس مش بتروح طبيب أسنان عشان الأجهزة
بتروح عشان خايفة من الألم أو مش عارفة تكلفة التقويم الحقيقية أو عايزة تعرف لو التبييض بيضر ولا لا
لو العيادة بدأت تجاوب على المخاوف والأسئلة الحقيقية اللي في دماغ المريض قبل ما يحجز
بتبني Trust من قبل ما الشخص يدوس على رقم التليفون
سوبرماركت
ممكن ينزل العروض الأسبوعية كل خميس وخلاص
أو ممكن يعمل بوست عن: أكتر 5 حاجات الناس بتشتريها وهي مش محتاجاها وبتلاقيها في آخر الشهر لسه في التلاجة
أو يعمل مقارنة بين منتج الـ Private Label ومنتج البراند المشهور ويوضح الفرق الحقيقي مش الفرق التسويقي
يبقى السوبرماركت مش بس مكان بيبيع، بقى مكان بيساعد الناس تشتري أذكى
الـ Value في البراندات الاستهلاكية مش لازم تكون درس أو Tutorial
ممكن تكون مجرد توضيح بسيط يعالج حيرة
أو تصحيح لفكرة غلط ناس كتير مصدقاها
أو ربط المنتج بلحظة معينة في يوم الشخص بطريقة تحسسه إن البراند فاهمه
أو مساعدته يقارن ويختار من غير ما تقوله اشتري مننا
الـ Captions اللذيذة لوحدها حلوة عشان الـ Feed والـ Expouser اللحظي
بس مش بتبني Memory عند المستهلك
ومش بتبني Trust
ومش بتخليه يختارك من وسط الرف لما يكون واقف قدام 10 خيارات
اللي بيعمل كده هو المحتوى اللي بيخلي المستهلك يحس: البراند ده فاهم أنا بعمل ايه بالمنتج وفاهم أنا محتار في ايه
وعشان تطلع المحتوى ده، لازم تبطل تبص على المنتج وتبدأ تبص على الشخص اللي بيستخدمه
عاداته، أسئلته، لحظاته، مخاوفه، مقارناته، روتينه
المنتج العادي بيتحول لمحتوى قوي لما تفهم إن المستهلك مش عادي أبدا
وطبعا تحت كل Category من دول تفاصيل أكتر بكتير
من ازاي تحدد الـ Value Angles لكل براند لحد ازاي تبني Content Pillars مبنية على فهم المستهلك مش على فهم المنتج بس لحد ازاي تربط المحتوى بالـ Positioning والرسالة الأوسع
بس لو فيه حاجة واحدة تاخدها من هنا
الـ Value مش في المنتج
الـ Value في ازاي المستهلك بيعيش بالمنتج
ولما تشوفها من عنده، مش هتحتاج تدور على أفكار تنزلها تاني
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
