صرفت مليون جنيه على إعلانات B2B ومحدش سمع عني - القصة الكاملة وإيه اللي غيرنا
في نص 2023 قعدت مع مؤسس شركة SaaS مصرية في كافيه في الشيخ زايد
الراجل كان شكله مرهق مش من قلة النوم - من قلة النتايج
قالي يا ممدوح أنا في آخر 18 شهر صرفت مليون ومية ألف جنيه على إعلانات لينكدإن وجوجل
وكل ما أكلم عميل محتمل يقولي: أول مرة أسمع عنكم
وأنا الإعلان بتاعي ظاهرله كل يوم
مليون ومية ألف جنيه
ومحدش سمع عنه
وقتها مكنتش فاهم المشكلة بالظبط بس كنت حاسس إن فيه حاجة غلط جدا في الطريقة اللي الشركات بتعمل بيها B2B Marketing في مصر والخليج
اشتغلنا مع بعض وأول حاجة عملتها إني وقفت كل الإعلانات
أيوا كل الإعلانات
الفريق بتاعه فكر إني اتجننت
بس كان عندي سبب
عشان الإعلان في الـ B2B عندنا في المنطقة وظيفته مختلفة تماما عن الـ B2C
في الـ B2C الإعلان بيعرّف الناس عليك ويبيعلهم
في الـ B2B الإعلان لوحده مبيعملش حاجة
ليه؟
عشان في الـ B2B العربي القرار مش بيتاخد بناء على إعلان شافه
القرار بيتاخد بناء على: مين قاله عليك
قعدت مع CEO سعودي مرة في مؤتمر LEAP وسألته اي اللي بيخليه ميردش على الـ Cold Emails
قالي جملة فضلت في دماغي لحد النهاردة:
لو كنت سمعت اسمك من حد أثق فيه قبل ما الإيميل يوصلني كنت فتحته في ثانية
من حد أثق فيه
مش من إعلان
فغيرنا الاستراتيجية كليا
بدل الإعلانات عملنا 3 حاجات بس
الحاجة الأولى: عملنا تقرير PDF عن متوسط رواتب المطورين في شركات الـ Fintech في مصر - تقرير فيه أرقام حقيقية ومقارنات وجداول - مفيش فيه بيع مباشر خالص - اللوجو في الفوتر بخط صغير
بعتنا التقرير لـ 5 مديرين HR على الواتساب شخصي - مش في جروب
قلنالهم: ده لسه منشرناهوش عام - حبينا تشوفوه الأول
الـ 5 بعتوه في جروباتهم
والجروبات بعتوه في جروبات تانية
في أسبوعين التقرير وصل لـ 12 جروب واتساب
واسم الشركة بقى مرتبط بالتوظيف التقني في دماغ كل HR Manager في مصر
الحاجة التانية: المؤسس بدأ يكتب على لينكدإن من بروفايله الشخصي - مش من الـ Company Page
بوستات فيها آراء جدلية وقصص حقيقية من الشغل ودروس مستفادة من الغلطات
مش محتوى تعليمي - محتوى بيقول إنه فاهم المشاكل بشكل مختلف عن الباقي
بعد 3 شهور بقى عنده 6,000 متابع جدد كلهم Decision Makers
الحاجة التالتة: راحوا لشركة CRM بتبيع لنفس العملاء بس بتبيع حاجة تانية وقالولهم: عملائكم بيشتكوا من جودة الـ Leads - إحنا بنعرف نحسن الجودة - تعالوا نعمل ويبينار مشترك
شركة الـ CRM وافقت وبدأت ترشحهم لعملائها
النتيجة بعد 6 شهور؟
38 عميل جديد
تكلفة الاستحواذ أقل 18 مرة من الإعلانات
والأهم: كل عميل جاي وهو يعرف مين هم
مش محتاج تعريف
مش بيسأل: مين أنتو
بيقول: سمعت عنكم وعايز أشتغل معاكم
ده الفرق بين إنك تشتري Attention وإنك تبني Trust
الإعلان بيشتري Attention مؤقت
الـ Ecosystem بيبني Trust دائم
والـ Trust في الـ B2B العربي هي العملة الأغلى على وجه الأرض
بعد التجارب دي قررت أوثق كل اللي اتعلمته في الـ 6 سنين اللي فاتوا مع 12+ براند B2B في مصر والسعودية والإمارات
الـ B2B Content & Strategy Playbook
20 فصل فيهم كل حاجة من الشفرة العربية للـ B2B لحد القوالب والأدوات
بس اللي حكيته النهاردة ده جزء صغير من فصل واحد
لسه فيه 19 فصل تاني
لو بتشتغل B2B في مصر أو الخليج وعايز تبطل تطارد العملاء وتخليهم هم اللي ييجوا ليك - الرابط في أول كومنت
استفدت من المقال؟
شاركه مع شخص يحتاجه — أو خد الخطوة الجاية مع PrePilot.
